Creative director 收到個客份 brief ，限制多多，唔可以咁咁咁，要學某某個 style ，又要似邊個邊個 brand 。
如果只係為錢，做好呢份工，個 CD 大可自居局外人，將份 brief 彈畀個 senior designer ，叫佢同啲 junior 搞掂佢。負責任嘅 senior ，都想响既有嘅框架下，盡量發揮創意，盡力為客戶設想，構思出兩至三個可行 ideas ，再 develop 落去。保守、中庸、 ok 創新，空間再窄，有才幹嘅設計師，都有能力做出幾個 options，回應頑劣客戶要求。呢啲就叫做 professional 。
再有才華啲，想追求更高層次，想認真創新，會嘗試諗多啲深入啲，去 challenge 個 brief 。研究同做各類型嘅 research ，去了解客戶真正所需，繼而修訂部份 brief 嘅前設，提出反見議。
客戶如果堅抽頑劣兼野蠻，可能感到冒犯，怒不可遏，怪罪 CD 並解除合約。
但作為一位尊重自己行業，有使命感的設計從業，本份 — 並非 hea 做或奉承客戶，而是以過得自己過得人嘅態度，用自己嘅知識同能力，去令這個世界……
減少一點點醜陋。
轉載：中央聖學子