my name + my life + my thoughts + my everything
情人節做產檢呢個節目真係冇得輸！一次過跟兩代情人拍拖拖。第一次照 4D ，感覺相當 Amazing ！與第一次照超聲波看見妳手舞足蹈的感覺同樣震撼。
以往一直對那種單色 4D 照感覺一般，一舊二舊又不算太清楚，感覺怪怪的。但當親歷其境時，原來 4D 並不是單單的一張橙黃色照片，而是 Real Time Animation ，看著妳左顧右盼，嘴仔開開合合的，相當欣喜。（早就知妳是為食妹 :-P）幸好啞醫生主動提我趕快拿出手機來拍 Video 。要不然還被那神奇的畫面弄得呆若木雞。
剛做完檢查，就看到 Ka Yeung 與 Carol 以及 Terry 夫婦於 Facebook 發佈喜訊！再加上某某神秘人仕。
呢個情人節，真係不得了。祝願各個好友，繼續如願以償！ :D
估唔到一間咁大既公司，所攪既研討會係可以咁冇睇頭，內容冇料到、紀念品冇料到、紹介 Mobile Service ，但個場竟然可以冇 Wifi ，失敗。收人四舊水（雖然唔知有幾多係真金白銀買飛入場），有冇良心架？
贊助商們就大方得多，所有送出黎抽奬既禮品都非常吸引，實不相暪，其實我係一心黎抽奬的 XDDD ，可惜空手而回。 :-P
健康快樂準媽咪 → 灰太結伴護協遊 → 果欄買果遊炎記 → 波記 and Friends 團年夜，非常充實的一天。
學陳太話齋：「願我們這班人，以後每一年都咁齊齊整整～」 :)
老老實實，海報訊息雖然淺白同畫公仔畫出腸左啲，但我一啲都唔覺得張 Poster 真係咁肉酸同咁不堪入目。作為一個潛質無限既新晉畫師，其作品被人惡意批評至此。實在替 Jack Lee 唔抵。
事件好明顯係一班品味文青 (自以為) 既自 High 動作，香港人就係咁樣，愛批評、愛欺凌、鐘意睇人仆街。試問點樣培育人材？
從來做設計，第一個步驟就係要知道目標對像係咩人，香港國際電影節向來都係面對普羅大眾。設計淺白一點，康文一點，其實不足為過。
要品味、要扮文青，日後大把小眾電影節陸續有來，何苦要急不及待跳出黎話比人知，自己有幾咁與眾不同。
基於外表先決，最後都係買返 Bravia 。當每次開電視睇到 SONY 個 Logo 彈出黎果下，我覺得好開心。XDDD
個人徧見，如果同樣價錢，始終都唔係好想用泡菜野，莫講話仲貴啲。4K？下一部先啦，相比起 1080p 都冇既舊電視，宜家已經係一個非凡既大躍進，心滿意足了。 :-P
