February 4, 2022 0

IT 狗

By in My ShareNo Comments

或者到咗呢一刻,你仍然覺得我哋呢班人係蠢嘅。但我話畀你聽,香港創科欠缺嘅,從來都唔係咩技術,因為最好嘅技術,我哋二十年前已經擁有過。真正令到呢個城巿停滯不前嘅,亦都唔係你所講嘅無知或者短視,而係我哋對香港創科已經失去咗信任。

我哋實在經歷咗太多欺騙、出賣,所以每一個人,都習慣咗喺畀人出賣之前,先將自己賣一個好嘅價錢。你所講嘅無知,其實係一種世故;你所講嘅短視,其實係一種無奈。 佢哋嘅問題唔係蠢呀,係佢哋太過聰明,聰明到,明白唯有眼前嘅利益先至值得信任,但就算係咁,我知道仍然有一班唔夠聰明嘅人,努力為咗夢想,努力為咗呢個城巿嘅未來艱苦咁樣前行,或者呢啲就係你所講嘅蠢人。

但係我同你講,佢哋,先至係一班真正有信念嘅人。只要我哋每一個人都堅守住自己嘅信念,我哋一定可以追返失去咗嗰 20 年,去搵返一個真正屬於我哋自己嘅未來。

幽默.但言之有物。又正中我最喜歡的影片類型。係有啲矯情,但切切實實道出了社會的真實情況。
好耐都無追過一套港劇,完全睇得出台前幕後係付出左 200% 既心血去制作出黎。好看!

Leave a Reply