工作
多左個小老闆，下半世要打佢工。為左期望將來退休之後，小老闆會照顧返我，所以宜家極力同小老闆拉關係、擦佢鞋、氹佢開心。
家庭 A
多左個孫，兩老榮升爺爺嫲嫲。感謝平日幫助照顧小 Greer ，湊孫生活雖然忙左，但眼見兩老又好似充實左同開心左。願爺爺來年繼續放假、繼續湊孫，繼續放假、繼續湊孫，繼續放假、繼續湊孫直到永遠。
家庭 B
啲人成日話組織家庭，今年多左小 Greer ，正式由二人世界進化成三人世界，名正言順係一個家庭。以後無論行街、食飯、訓覺都要預埋小 Greer（暫時睇戲除外 XD），何止係生活一部份，直頭係身體一部份，甚至生命一部份。
重讀近半年網誌，絕大部份都是囡囡的生活點滴，說穿了 lokyin.com 的重啟，確實某程度是為了妳。好讓妳長大後，能多一個途徑了解爸爸、了解自己。了解所有有發生過的。