May 20, 2014 0

Speedlight SB-800

By in My HobbyNo Comments

DSC08198

自 DIY 婚照及杭州之旅後,一直想買支平平地既閃光燈用黎守下門口,等唔洗下下問人借。始終閃光燈呢啲消秏品,借得多我都唔好意思。由於只作飛燈用途,唔洗對品牌、唔洗全自動、唔洗TTL,識閃、色準、夠力就可以。

雖然 Target 一千蚊左右,但都冇諗過最後我係會敗左支停左產五、六年既 SB﹣800 返黎。搵果陣一路淨係記住數字越大越架勢。900 之後到 800 ,都係隔一代姐,但估唔到呢一隔就仿如隔世。最後都係選擇情願買中古旗艦,都唔想買入門新品。

幸好實物新淨企理,操作正常。一代燈神名不虚傳。

May 19, 2014 0

入藥

By in My LifeNo Comments

DSC08181

呢包係我見過最奇怪既中藥包,就好似一堆樹枝、茶葉、石灰、木頭同貝殼碎……今次就連話梅都有兩粒。XDDDDDDDDD
總之就似隨手係郊野公園地下都可以執到既野咁。中國醫術果然博大精深,真係乜都可以用黎入藥。

話知係食樹皮丫,掂就得啦!!!

May 18, 2014 0

Asia Contemporary Art Show

By in My LifeNo Comments

DSC07183

環境沒有往年好,Conrad 的房間始終較 JW Marriott 細,加上人流多,感覺較為焗束。最重要既係…… Free drink 及 VIP Lounge 亦不如往年。 :-P

加上今年的展品沒有以往亮眼,可供看的雖多,但能入腦的郤少。這樣密集式的藝術欣賞,實在容易讓人感到審美疲勞。

看了兩年 Hotel Art Show ,打算稍後重投 Art HK 懷抱。才驚覺,原來這星期鬧得熱烘烘的 Art Basel ,就是以往 Art HK 既轉世。因為 MCH Swiss Exhibition (Basel) Ltd. 收購了一向舉辦 Art HK 的 Asian Art Fairs Limited ,所以一年一度的 Hong Kong Art Fair 亦順理成章易名為今日的 Art Basel。

後豬後覺,明年請早。

May 16, 2014 0

赤化

By in My ThoughtsNo Comments

cy-mao第一次睇到呢張圖既時候,淨係覺得好好笑。心諗:「又 Key 得幾過癮喎!衰鬼。」

但眼見自梁上場後香港的變天,終日不斷輸入劣質人口、政策及管理;繼而染指經濟、能源及法治。

再見返呢張圖,我笑唔出。因為我知道呢幅唔只係幽佢一默既二次創作,呢幅係可悲既現實。

每日不斷睇住一個短視既政府,帶住一班唯利是圖既牛鬼蛇神出黎胡說八道。除左係鍵盤上面打幾隻字發洩下,其實根本冇野可以做。和平理性爭取?老老柒柒我唔覺得 Work ,和平左十七年啦!咪繼續你有你嘈,佢有佢繼續將香港赤化。

May 14, 2014 2

Palmiers

By in My Life, My Works2 Comments

DSC07166

奶奶威完到老公威。嘩!巧巧味!巧威威丫!

May 13, 2014 0

識食女出沒注意

By in My ShareNo Comments

和家人選了尖東一家酒店的中菜廳吃飯慶祝母親節,因為聽聞那兒的梁師傅將要退休,為怕他離開後無法再嚐到他的美味,因此湊一下熱鬧。吃過飯後發現食物美味、招呼周到、環境優美,但結帳才不過約五百元一位,價錢和很多小菜館或特色小館差不多,爸爸媽媽兄弟姊妹都異口同聲說在酒店吃划算得多!

回頭細想為何在酒店晚膳突然變得划算,原因其實是小店價錢愈來愈貴。到一家裝修不錯又稍有知名度的食店吃飯動輒就五、六百元一位。當然,它們價錢貴是因為租金貴,而且那些雖然是小店,但廚師都是大酒店師傅,收得起那些價錢有餘。但何以這等價錢的小店有生存空間?完全因為香港有很龐大的一群「識食女」,這群女士大都收入穩定又懂得享受,且大部份是中女,既沒小朋友又沒有家庭負擔,還要是專業人士,月入數萬元,辛勤工作之餘沒甚麼嗜好,吃頓飯五、六百元是她們的基本消費。更重要的,是她們吃飯時還可在社交網絡打卡炫耀。

下次你再到小店吃飯可留意一下,店內十之八九都是兩至四位女性良朋共聚,正是她們令香港的飲食業蓬勃起來!故唯一要感到悲哀的該是香港男士,因為男士要追求的正是這群識食女。識食女愈識食,我們就愈麻煩,和她們吃飯,東西要好吃,餐廳要夠新、夠靚,還要是當時得令,以上條件缺一不可,可憐我們男人要搵錢之餘還要搵食,但這種搵食功能確實不是我們的專長,故現時我們可算真真正正明白甚麼叫搵食艱難。真的很懷念以前媽媽那一代,那時女人全都以自己懂得煮美味餸菜自豪,現代女性卻只會談論自己識食哪味餸菜而驕傲!

轉載:公子日記-識食女出沒注意

May 11, 2014 0

Happy Mother’s Day

By in My FamilyNo Comments

DSC07133

花朿效果很理想,沿途不斷有人讚啲花好靚,都話識曬一定係去裕華曬。Wakakakaaaaa!

曬完飲茶果陣放係枱頭又巧威威,果然好仔不如好新抱。 :-P

May 10, 2014 0

夫人的園藝家課

By in My LifeNo Comments

DSC08134-2

家課主題:「Happy Mother’s Day」。Fit 晒!XDDDD

May 9, 2014 0

香港仔 Aberdeen

By in My ShareNo Comments

Aberdeen

六個家庭成員,六個內心未拆的炸彈,串成一部賞心的小品。

欣賞彭導的所有作品都很香港,正宗本土情懷,本土藝術。本片取名《香港仔》,相信除了代表地方名,還有代表香港人的含意。之所以說彭導的作品很香港,或者根本是彭導這個人很香港。不是因為他前作的低俗,香港人一點也不低俗,香港人的特點是變通、轉數快、有小聰明。彭導很多作品不論制作、故事、手法,每每都表現著這種香港風情。靠小聰明想到一個點子,再用轉數將之無限放大,再於制作上作變通,最後調味。成為一部蔗渣價錢,燒鵝味道的作品。可能難登大雅之堂,但郤讓人看得津津有味。

再者,就像片中眾人一樣,炸彈根本從沒拆解,但只需要換個角度,世界就已經變得不一樣。

只要自我感覺良好,登大雅之堂與否?WHO CARE?

May 8, 2014 0

STAUB

By in My LifeNo Comments

DSC08117

貴為師奶恩物的 STAUB 鑄鐵鍋終於到手。個鍋掂唔掂我唔知,我淨係知夫人好掂!

夫人+STAUB,有如猛虎潻翼!好野!!(好彩我白痴空燒冇燒爛個煲咋。) :-PPPPP