my name + my life + my thoughts + my everything
復活節在家重溫金像奬最佳電影《一代宗師》，但今次睇既係美國版。
睇完之後覺得亞洲人好可憐，好明顯亞洲公映果陣既版本係趕工出黎既次貨，係王大導用黎替衝擊奧斯卡試水溫既版本。
一直唔明一套電影點解要有唔同既版本，什麼加長版、美版、康城版、導演剪輯版……唔係應該做好晒，覺得滿意先扲出黎既咩？
話晒都醞釀左十七年、籌備八年、開拍三年，我唔介意等多你一年半載的。
點解咁嬲？因為美版比亞洲版好太多了。第一次看亞洲版的時候已經覺得情節過份零碎，有欠連貫。美國版雖然時間短了，但流暢度郤大大提升，提升不是因為單純將亞洲版多餘的部份剪掉，而是美國版就像將整個故事用別的手法再敍述多次，把很多場口的先後次序對調之餘，還加插了很多亞洲版沒有的戲和場面。令故事更加完整，我個人喜歡這個版本多一點。
本來印象平平的一套戲，現在在我心目中已成為經典。果然「念念不忘，必有迴響」。
係 Betty 事件上面，我覺得佢都係受害者，入境處多一事不如少一事既處事手法，無條件、無限期同佢續行街紙。續到續左個大頭佛出黎。比身份証佢似乎係唯一解決既辦法。除左因為法律不外乎人情，亦都係為入境處既過失埋單。唔通你肯續人十幾年行街紙、肯比人考公開試，到人地真係考到好成績，仲要有大學肯保佢之後攪唔掂，先丟佢落公海？
無可否認年少氣盛既佢，態度同角度都有佢唔成熟既地方。但一個女仔努力左咁耐、經歴左咁多。最後終於得到佢想要既野，果種複雜既心情，唔會有好多人明白，如果因為咁而令到文筆稍稍徧激，其實可以理解。既然事情去到呢一步，而佢又真係有本事考贏晒你班所謂土生土長既香港人。何不給他人一個機會。
香港從來都係一個聯合國，又有幾多真係土生土長既原居民？如果要我從「偷渡來港 11 年，憑個人實力考入醫學院的女生」和「財大氣粗擁有不少於港幣 1000 萬元淨資產（香港投資移民的最低要求）的暴發戶」中，二選一個成為港人。我會選擇那偷渡女生。
最怕比人炒，最怕同人爭既係咩人？就係冇本事另謀高就同只懂飯來張口唔夠人爭既人。城市一體化，社會保得你一時亦保唔到你一世。
好彩仲有「賤輝」頂住呢個中國香港電影金像奬頒奬典禮。好野！
賤輝：「呢廿幾年嚟，我咩都沒做過啊。我唔想到我熄燈果一刻，我連一件值得回憶嘅事都無呀。」
賤輝有冇我唔知，但張家輝你一定有！
其實對 Captain America 興趣不大，亦沒看過第一集。但眼見好評如潮，即管看看這個美國葫蘆裡賣的是什麼藥。
其實自從 Marvel 將所有英雄故事串連在一起，以及神盾局的出現後，Marvel 的英雄片出現了很多自相矛盾的情況。這情況在 Ironman 3 中亦時有出現。發生這樣嚴重的事情，其他英雄可以集體失蹤。就當只有 Captain 是正式軍人，其他都是性格演員。但作為戰艦制作單位之一的 Tony Stark 。總不能恤手旁觀吧？懂得在對白中抽其他英雄水，作為觀眾又怎會將之當作獨立電影來看待呢？
撇除故事上的矛盾，動作場面其實蠻好看的，可能看得太多子戰橫飛，身懷異能的英雄， Captain America 的拳腳功夫反而出奇地耐看。看他拿著那神鑊（盾）做出各樣能人所不能的事情，其實挺有趣的。哈哈！加上 Black Widow 一如已往的飬眼。整體總算不過不失。可以一看。
上半場冇左 Shan Shan 係度，拿手唔成勢。影樓閃燈始終唔係強項。好彩 Shan Shan 都係遲左半個鐘左右。秘密任務大成功！
JJB 話：「倦死人，以後都唔影丫！」咁就緊係啦，大吉利是咩！XDDDDD
「我們的社會要推廣同一種生老病死、同一種做人方式、同一種戀愛和婚姻，因為這些人生的背後，是血淋淋的生意和利益。戀愛之後一定要結婚，女人不結婚是剩女，因為結婚是一筆很大的生意。鑽戒、婚宴餐飲、婚紗禮服……樣樣都是錢。結婚變成情愛生活和人生的 must-event ，保障了很多行業財源廣進；結婚之後也一定要生仔，因為小朋友又是一門大生意：奶粉、尿片、童裝、玩具、學前 play-group 、十項全能訓練班⋯⋯全部都是錢，而且父母不會省，潛力無限；結婚生子，就要買樓，得自置物業。樓市的需求和投機，永不終止。這一代的扑野活動或者生兒成家，都只是上一代的投資和生意。」
節錄：無待堂﹣扑野經濟學
不能同意更多。一直覺得人生所需要的，其實用不著這麼多。所有都是商人所設定的經濟活動。可惜活在當下不能獨善其身，被迫看風使舵，隨波逐流。
如果有一天我要離開，捐盡所有後，就由得他塵歸塵，土歸土就可以了。不想在生命完結之時也要後人被奸商撈一筆，亦不想死人霸生地。要懷念，在心中已足夠。何必拘泥於儀式及靈位？
嫂子們自行相約的義工活動。萬分可惜，由於天不做美。令眾人努力付諸流水。
唯一慶幸是無損各參與者的熱情，活動總算於混亂中順利完成。
Mama：「如果你唔鐘意要同人講『 No No No 』丫麻。」
Emma：「鳴～No～鳴哇～～～～！」
XDDDDDDDDDDD, Happy Birthday to PaulPaul!
最後一天，天色放晴。為秘密任務作完美終結後，再到聞名已久的 “山外山” 午膳。連身體不適，不欲外出的蕭氏伉儷最後都能隨隊同行。一行六人齊齊整整的完結整個旅程。實在可喜可賀。
但誰也沒有想到，好戲現在才開始。
由於深圳一帶天氣異常惡劣，狂風雷暴加落雹，飛機預計不能順利降落，所以無限期延遲。航班最後由 5:30pm 延遲到 10:55pm ，期間上機、落機，飛行途中機身又震動搖晃。好不容易到達深圳後，再等了個多小時才能提取行李。機場的士站迫滿趕回家的旅客，又再等了半個多小時才有的士到皇岡，過關後轉乘直通巴回觀塘再打的。最後清晨 6:00am 才回到家，比原定時間足足遲了十個小時。
雖然如此，但總算有驚無險。又一次難忘之旅，謝謝歌頓哥安排。 Nice Tirp！ :)
