January 13, 2016 0

Stand Up!!

By in My ChildNo Comments

DSC04447

於全無先兆下,小 Greer 今天無緣無故自己扶著櫃邊站了起來!看著小 Greer 一天比一天成長一點,一天比一天學會一點,原來會覺得好滾動。

January 11, 2016 0

毛記電視第一屆十大勁曲金曲分獎典禮

By in My ThoughtsNo Comments

Ging-Cook-Gum-Cook

撇除政治立場、二次原創、人物關係等因素。

毛記電視的確完美示範何謂 Work Hard, Play Hard ,惡攪都可以攪到咁大龍鳳兼有聲有色,真心佩服林日㬢等人。

毛記今次既分奬典禮同幫 Shell 做既網絡行銷,雙贏程度直頭可以係教材級。從來冇一個活動贊助商係可以咁得觀眾同嘉賓歡心,多謝 Shell 係多謝得幾咁樂意同真心。毛記條橋同執行能力當然係無可置疑,但其實都要靠時勢做英雄,今次既成功,好大部分係因為小眾長期被壓迫形成既投射同反彈。

鋤強扶弱,雪中送炭既形象,就算你「再好相與」都未必買得到。我諗 Shell 自己都估唔到會有咁既效果。

反觀同樣抽水起家既某 Youtuber ,早年都言之有物,娛樂態度兼備,但近年只懂找𡃁模騷手弄枝。美其名帶領新人,說到底是技窮。新人出頭,從來不用灑鹽花,只要夠專業夠認真,觀眾是感受得到的。像毛記一眾偽員,初開始都是名不經傳,但經過一整年在鏡頭前後努力,加上於分奬禮上表現出色,現在每位偽員都能獨當一面,我指的是:東方昇、盤菜瑩子、利君牙、崔建芒、黃慘盈、Dickson 等……

「認真事柒做,柒事認真做」繼續加油!多謝 Shell !多謝 NOW !多謝毛記!

January 10, 2016 0

Floral Jamming

By in My LifeNo Comments

DSC03442

有人心血來潮,說要親手製作一花束送給快將生日的銀袋會好友,更請來 Floraholic 的 Boss Koo 作全程指導。最後當然大成功啦。

事後仲話:「原來整花俾人好開心架!」

好,咁情人節一於搵妳幫手整扎送比夫人。一於咁話! :-P

January 9, 2016 0

Ocean Park Greer

By in My Child, My LifeNo Comments

DSC03253

Baby Greer 話金魚街太小兒科,要進軍海洋公園睇大魚魚。

爺爺嫲嫲知道後,說他們有長者優惠能免費遊樂園,如沒事幹便來撞撞小 Greer ,撞乜鬼丫,一齊去啦~ XDDDD

January 7, 2016 0

Happy Birthday to Me

By in My LifeNo Comments

生日天,當然少不了夫人既朱古力題字蛋糕,夫人手字越黎越利害!

多謝夫人的水月生日飯,好讓爸爸見識何謂分子料理。果然相當特別,由其最後這名為 DIY 曲奇的甜點。因沒有事先了解,所以連夫人也覺驚喜。哈!

至於生日願望,全送了給小 Greer ,因為從今以後,妳快樂,將會等於我快樂。Happy Birthday to Me!:)

January 3, 2016 0

小魚悠悠 Greer 篇

By in My Child, My Hobby, My LifeNo Comments

DSC03148

眼見小 Greer 每次於嬰兒車上等待出門的時候,都會盯著櫃上的魚缸目不轉睛的。所以決心翻缸把它弄得漂漂亮亮,讓囡囡能好好欣賞小魚悠悠的樂趣。

小 Greer 第一次到魚街陪爸爸買東西預備開缸,望著店內紅紅綠綠的小魚,小 Greer 明顯相當喜歡。幸好囡囡喜歡,不然還打算放棄飼養,不竟每半年翻缸一次真是一件非常惱人的事情。 :-P

January 2, 2016 0

間條姊妹花

By in My Child, My LifeNo Comments

DSC03066

四大倆小的新年聚餐,萱萱呢個友誼小姐不停跟人握手及 Hi Five ,很快便跟小 Greer 破冰。都係果句,有好友結伴同行(加入家長行列)既感覺真好!

P.S.: 多謝桃姨既精美服裝同 Amen 既署名可樂,成日都送咁多野比小 Greer ,實在太客氣啦~

January 1, 2016 0

元旦馬灣遊

By in My Child, My LifeNo Comments

DSC02998DSC03027

一個地方或一個旅程好玩與否?其實跟心態有莫大關係。有人要坐過飛機才覺得算是旅行、有人本土遊已玩得不亦樂乎。

看簡單如 Greer ,無論去邊都係覺得咁開心既,都係果句:「心態決定境界」,開心小孩自有開心的辦法。新年快樂!

December 31, 2015 0

我的 2015

By in My ThoughtsNo Comments

工作

多左個小老闆,下半世要打佢工。為左期望將來退休之後,小老闆會照顧返我,所以宜家極力同小老闆拉關係、擦佢鞋、氹佢開心。

家庭 A

多左個孫,兩老榮升爺爺嫲嫲。感謝平日幫助照顧小 Greer ,湊孫生活雖然忙左,但眼見兩老又好似充實左同開心左。願爺爺來年繼續放假、繼續湊孫,繼續放假、繼續湊孫,繼續放假、繼續湊孫直到永遠。

家庭 B

啲人成日話組織家庭,今年多左小 Greer ,正式由二人世界進化成三人世界,名正言順係一個家庭。以後無論行街、食飯、訓覺都要預埋小 Greer(暫時睇戲除外 XD),何止係生活一部份,直頭係身體一部份,甚至生命一部份。

重讀近半年網誌,絕大部份都是囡囡的生活點滴,說穿了 lokyin.com 的重啟,確實某程度是為了妳。好讓妳長大後,能多一個途徑了解爸爸、了解自己。了解所有有發生過的。

December 30, 2015 0

葉問3

By in My ShareNo Comments

ipman3

偷得浮生半日閒,難得半天假,跟夫人行街、睇戲、食飯兼按摩。

聖誕檔期除了星戰、葉問,好像便沒什麼電影好看。星戰由於從沒認真看過,不是粉絲亦不像中從加入,所以便選擇了次熱的葉問。來到第三集,早預到沒先前好看,只要打得精彩,略有故事,但求娛樂兩個小時便好收貨。

結果合乎預期,故事薄弱鬆散,好幾個場口為戰而戰且有頭無尾。如開首李小龍那段,其實可有可無。純粹借其名聲引發多點話題。至於被視為重頭戲的泰臣對戰,葉問有本事找上門單挑,勉強捱過三分鐘便拿拿臨執返身彩走人。雖然打得好看,但論故事確實有點無厘頭。

個人反而喜歡電梯泰拳戰及與張晉的詠春正宗之爭。前者充分表現葉問夫妻間的信任與感情,後者實實在在同級對決,不用勉強越級挑戰外星人。

先後看過多套關於葉問的電影,可說各有所長。論藝術成份及世界觀,首推梁朝偉的「一代宗師」;論人物傳記及真實性,還看黃秋生的「終極一戰」;論動作武打及娛樂性,甄子丹的「葉問三部曲」是無可置疑的。