April 26, 2014 0

華欣洗滌之旅.Dhevan Dara

By in My TripNo Comments

話說夫人希望心靈洗滌一下,但由於事出突然,大部份的公司酒店都預訂不了,除了曼谷。雖然早於新婚時才來過一次,但沒關係,到這個泰好玩地方,從來都不會嫌多。但為了找點新意思,及加強渡假氣氛,決定先到華欣一趟才回曼谷。來個華曼五天遊。

未到酒店前其實一直很擔心酒店質素,雖然從網站照片看來相當不錯,又有 wifi 及免費 shuttle bus 往返市中心,但其實於很多部落格、評分網的評價都是平平。但這不竟是一個旅遊達人的朋友推介,從信寫手還是信朋友之間,我選擇了後者。 :-P

到步後疑慮盡消,雖然部份網上評價是真實的,但實地感受後,我認為影響不大:酒店的確不新,但總算保養得宜,乾淨企理;位置的確徧遠,但免費 shuttle bus 的班次亦不算少;早餐的確無甚選擇,但那泰式串燒及奶茶已補償一切。

以這樣的價位,這樣的質素,我收晒貨了,於 Villa 外的 Private Pool 晒太陽、浸浸水,確實十分爽皮。YEAH!

April 23, 2014 0

開眉粥

By in My ThoughtsNo Comments

寧吃開眉粥,不吃愁眉飯。

April 21, 2014 0

HABITU

By in My LifeNo Comments

DSC06935

由於今日有旺妻的我陪同,醫師和善兼收費八折。冇緣見識醫師既性格一面。XDDDDDDD

睇完中醫去 HABITŪ 嘆下午茶,輕輕鬆鬆 HEA 埋復活節最後一日假期。返多四日工就出發去華欣洗滌心靈之旅!期待! :-D

April 20, 2014 0

魔警

By in My ShareNo Comments

The-Demon-Within

兩個字:「失望」,導演通病,一有 budget 就亂黎。逆戰如是,魔警如是。

吳彥祖的演出一般,未能帶領觀眾入戲,那黑眼圈似睡眠不足多於似精神分裂。另外主角的童年陰影如能於中段開始便逐小滲透出來,讓觀眾早點了解吳,效果可能比現在結尾解迷好。因為電影雖叫魔警,但由於對吳了解不足,很難對他那魔不成魔的表現有太大的感覺。

而張家輝原來只屬於客串性質,但在醫院急救中望向吳時那世界級眼神,說明這就是演技。鬼王黨表演平平(我不是那些一見有智叔就盲目說好的人),除了張家輝,最吸引眼球的是林嘉華。他的演出很有幹勁、很有火,可惜戲中他是飾演一名出年就能「咬長糧」的探員。下場相信唔講大家都知。so sad……

April 19, 2014 0

復活塔門遊

By in My LifeNo Comments

DSC07168

其實唔一定要過左關、搭過飛機先叫做去旅行既。三五知己郊遊行山,同樣 Relax 。

香港其實仲有好多好靚既地方係幾十年黎都從未去過。

April 18, 2014 0

一代宗師 The Grandmaster (US Alternate Cut)

By in My ShareNo Comments

The-Grandmaster

復活節在家重溫金像奬最佳電影《一代宗師》,但今次睇既係美國版。

睇完之後覺得亞洲人好可憐,好明顯亞洲公映果陣既版本係趕工出黎既次貨,係王大導用黎替衝擊奧斯卡試水溫既版本。

一直唔明一套電影點解要有唔同既版本,什麼加長版、美版、康城版、導演剪輯版……唔係應該做好晒,覺得滿意先扲出黎既咩?
話晒都醞釀左十七年、籌備八年、開拍三年,我唔介意等多你一年半載的。

點解咁嬲?因為美版比亞洲版好太多了。第一次看亞洲版的時候已經覺得情節過份零碎,有欠連貫。美國版雖然時間短了,但流暢度郤大大提升,提升不是因為單純將亞洲版多餘的部份剪掉,而是美國版就像將整個故事用別的手法再敍述多次,把很多場口的先後次序對調之餘,還加插了很多亞洲版沒有的戲和場面。令故事更加完整,我個人喜歡這個版本多一點。

本來印象平平的一套戲,現在在我心目中已成為經典。果然「念念不忘,必有迴響」。

April 17, 2014 0

About Betty

By in My ThoughtsNo Comments

係 Betty 事件上面,我覺得佢都係受害者,入境處多一事不如少一事既處事手法,無條件、無限期同佢續行街紙。續到續左個大頭佛出黎。比身份証佢似乎係唯一解決既辦法。除左因為法律不外乎人情,亦都係為入境處既過失埋單。唔通你肯續人十幾年行街紙、肯比人考公開試,到人地真係考到好成績,仲要有大學肯保佢之後攪唔掂,先丟佢落公海?

無可否認年少氣盛既佢,態度同角度都有佢唔成熟既地方。但一個女仔努力左咁耐、經歴左咁多。最後終於得到佢想要既野,果種複雜既心情,唔會有好多人明白,如果因為咁而令到文筆稍稍徧激,其實可以理解。既然事情去到呢一步,而佢又真係有本事考贏晒你班所謂土生土長既香港人。何不給他人一個機會。

香港從來都係一個聯合國,又有幾多真係土生土長既原居民?如果要我從「偷渡來港 11 年,憑個人實力考入醫學院的女生」和「財大氣粗擁有不少於港幣 1000 萬元淨資產(香港投資移民的最低要求)的暴發戶」中,二選一個成為港人。我會選擇那偷渡女生。

最怕比人炒,最怕同人爭既係咩人?就係冇本事另謀高就同只懂飯來張口唔夠人爭既人。城市一體化,社會保得你一時亦保唔到你一世。

April 13, 2014 0

最佳男主角

By in My ThoughtsNo Comments

Nick-Cheung

好彩仲有「賤輝」頂住呢個中國香港電影金像奬頒奬典禮。好野!

賤輝:「呢廿幾年嚟,我咩都沒做過啊。我唔想到我熄燈果一刻,我連一件值得回憶嘅事都無呀。」

賤輝有冇我唔知,但張家輝你一定有!

April 13, 2014 0

Captain America: The Winter Soldier

By in My ShareNo Comments

Captain-America-2-Movie

其實對 Captain America 興趣不大,亦沒看過第一集。但眼見好評如潮,即管看看這個美國葫蘆裡賣的是什麼藥。

其實自從 Marvel 將所有英雄故事串連在一起,以及神盾局的出現後,Marvel 的英雄片出現了很多自相矛盾的情況。這情況在 Ironman 3 中亦時有出現。發生這樣嚴重的事情,其他英雄可以集體失蹤。就當只有 Captain 是正式軍人,其他都是性格演員。但作為戰艦制作單位之一的 Tony Stark 。總不能恤手旁觀吧?懂得在對白中抽其他英雄水,作為觀眾又怎會將之當作獨立電影來看待呢?

撇除故事上的矛盾,動作場面其實蠻好看的,可能看得太多子戰橫飛,身懷異能的英雄, Captain America 的拳腳功夫反而出奇地耐看。看他拿著那神鑊(盾)做出各樣能人所不能的事情,其實挺有趣的。哈哈!加上 Black Widow 一如已往的飬眼。整體總算不過不失。可以一看。

April 12, 2014 0

秘密任務2

By in My Art, My HobbyNo Comments

IMG_9186

上半場冇左 Shan Shan 係度,拿手唔成勢。影樓閃燈始終唔係強項。好彩 Shan Shan 都係遲左半個鐘左右。秘密任務大成功!

JJB 話:「倦死人,以後都唔影丫!」咁就緊係啦,大吉利是咩!XDDDDD