May 24, 2014 0

Amigo

By in My LifeNo Comments

激死我,啲老屎忽真係好鬼黑人憎!!!

Amigo:「我提提你吓,唔好著背心、短褲、涼鞋!(悔氣 mode )」
me:「我都提提你吓,果日我老婆生日,請問生日係咪有啲咩Special?」
Amigo:「咪送個蛋糕比你囉!(高八度)」
me:「可以寫字嗎?」
Amigo:「咪 Happy Birthday 囉∼(唔係仲想寫咩?)」
me:「可以加埋個人名嗎?」
Amigo:「講~啦~(不耐煩-ing)」

頂佢個肺丫~!

May 23, 2014 0

X-Men: Days of Future Past

By in My ShareNo Comments

x-men-days-of-future-past

有點失望,一向認為 Days of Future Past 是正統 X-Men 系列的延續。但看畢才發現這是正統故事、外傳格局。亦即是「講多過做」。

故事大綱其實不錯,合情合理地將故事推回原點,唔洗好似 Spider-Man 、 Batman 同 Superman 咁將同一個故事不停 reboot 、 reboot 又 reboot ,攪到睇黎睇去都係面果浸。但看 X-men 始終會想看那些目不睱給異能表演。徧徧電影描寫過去的篇幅較未來多,那時的狼人就連超能鋼爪都未有,Professor X 又意志消沉失去異能,加上個個口水多過茶,OH MY GOD,咁仲有咩好睇??好彩中場都有段 Quicksilver 的劫獄表演中和一下。

反觀未來的部份很精彩,因為敵人 (The Sentinels) 壓到性地強,眼看一個個重要角色被秒殺,這是在以往的英雄片中從未發生過,很有壓迫感。

總括黎講唔係唔好睇、而係關於未來、英雄的電影近年實在太過氾濫,每每其實都大同小異。很多場口都似層相識。整套電影就像 Terminator (過去救未來) 、 Ironman (初代 Sentinels) 、 Captain America (邪惡科學家) 加 X-men 既混合體。難有突破而已。

May 22, 2014 0

一擊即中

By in My Art, My WorksNo Comments

SL-for-TA

嗚嗚……好滾動,自蜜月期過後,好耐都未試過一套 Layouts 可以連過三關、一擊即中。

May 20, 2014 0

Speedlight SB-800

By in My HobbyNo Comments

DSC08198

自 DIY 婚照及杭州之旅後,一直想買支平平地既閃光燈用黎守下門口,等唔洗下下問人借。始終閃光燈呢啲消秏品,借得多我都唔好意思。由於只作飛燈用途,唔洗對品牌、唔洗全自動、唔洗TTL,識閃、色準、夠力就可以。

雖然 Target 一千蚊左右,但都冇諗過最後我係會敗左支停左產五、六年既 SB﹣800 返黎。搵果陣一路淨係記住數字越大越架勢。900 之後到 800 ,都係隔一代姐,但估唔到呢一隔就仿如隔世。最後都係選擇情願買中古旗艦,都唔想買入門新品。

幸好實物新淨企理,操作正常。一代燈神名不虚傳。

May 19, 2014 0

入藥

By in My LifeNo Comments

DSC08181

呢包係我見過最奇怪既中藥包,就好似一堆樹枝、茶葉、石灰、木頭同貝殼碎……今次就連話梅都有兩粒。XDDDDDDDDD
總之就似隨手係郊野公園地下都可以執到既野咁。中國醫術果然博大精深,真係乜都可以用黎入藥。

話知係食樹皮丫,掂就得啦!!!

May 18, 2014 0

Asia Contemporary Art Show

By in My LifeNo Comments

DSC07183

環境沒有往年好,Conrad 的房間始終較 JW Marriott 細,加上人流多,感覺較為焗束。最重要既係…… Free drink 及 VIP Lounge 亦不如往年。 :-P

加上今年的展品沒有以往亮眼,可供看的雖多,但能入腦的郤少。這樣密集式的藝術欣賞,實在容易讓人感到審美疲勞。

看了兩年 Hotel Art Show ,打算稍後重投 Art HK 懷抱。才驚覺,原來這星期鬧得熱烘烘的 Art Basel ,就是以往 Art HK 既轉世。因為 MCH Swiss Exhibition (Basel) Ltd. 收購了一向舉辦 Art HK 的 Asian Art Fairs Limited ,所以一年一度的 Hong Kong Art Fair 亦順理成章易名為今日的 Art Basel。

後豬後覺,明年請早。

May 16, 2014 0

赤化

By in My ThoughtsNo Comments

cy-mao第一次睇到呢張圖既時候,淨係覺得好好笑。心諗:「又 Key 得幾過癮喎!衰鬼。」

但眼見自梁上場後香港的變天,終日不斷輸入劣質人口、政策及管理;繼而染指經濟、能源及法治。

再見返呢張圖,我笑唔出。因為我知道呢幅唔只係幽佢一默既二次創作,呢幅係可悲既現實。

每日不斷睇住一個短視既政府,帶住一班唯利是圖既牛鬼蛇神出黎胡說八道。除左係鍵盤上面打幾隻字發洩下,其實根本冇野可以做。和平理性爭取?老老柒柒我唔覺得 Work ,和平左十七年啦!咪繼續你有你嘈,佢有佢繼續將香港赤化。

May 14, 2014 2

Palmiers

By in My Life, My Works2 Comments

DSC07166

奶奶威完到老公威。嘩!巧巧味!巧威威丫!

May 13, 2014 0

識食女出沒注意

By in My ShareNo Comments

和家人選了尖東一家酒店的中菜廳吃飯慶祝母親節,因為聽聞那兒的梁師傅將要退休,為怕他離開後無法再嚐到他的美味,因此湊一下熱鬧。吃過飯後發現食物美味、招呼周到、環境優美,但結帳才不過約五百元一位,價錢和很多小菜館或特色小館差不多,爸爸媽媽兄弟姊妹都異口同聲說在酒店吃划算得多!

回頭細想為何在酒店晚膳突然變得划算,原因其實是小店價錢愈來愈貴。到一家裝修不錯又稍有知名度的食店吃飯動輒就五、六百元一位。當然,它們價錢貴是因為租金貴,而且那些雖然是小店,但廚師都是大酒店師傅,收得起那些價錢有餘。但何以這等價錢的小店有生存空間?完全因為香港有很龐大的一群「識食女」,這群女士大都收入穩定又懂得享受,且大部份是中女,既沒小朋友又沒有家庭負擔,還要是專業人士,月入數萬元,辛勤工作之餘沒甚麼嗜好,吃頓飯五、六百元是她們的基本消費。更重要的,是她們吃飯時還可在社交網絡打卡炫耀。

下次你再到小店吃飯可留意一下,店內十之八九都是兩至四位女性良朋共聚,正是她們令香港的飲食業蓬勃起來!故唯一要感到悲哀的該是香港男士,因為男士要追求的正是這群識食女。識食女愈識食,我們就愈麻煩,和她們吃飯,東西要好吃,餐廳要夠新、夠靚,還要是當時得令,以上條件缺一不可,可憐我們男人要搵錢之餘還要搵食,但這種搵食功能確實不是我們的專長,故現時我們可算真真正正明白甚麼叫搵食艱難。真的很懷念以前媽媽那一代,那時女人全都以自己懂得煮美味餸菜自豪,現代女性卻只會談論自己識食哪味餸菜而驕傲!

轉載:公子日記-識食女出沒注意

May 11, 2014 0

Happy Mother’s Day

By in My FamilyNo Comments

DSC07133

花朿效果很理想,沿途不斷有人讚啲花好靚,都話識曬一定係去裕華曬。Wakakakaaaaa!

曬完飲茶果陣放係枱頭又巧威威,果然好仔不如好新抱。 :-P