原來只差一步,我就會係一個擁有鬼仔性格既黃皮蕉。
Author Archive
張媽媽智破陪月黨
By lokyin in My Life被早於半年前預約的廿年經驗陪月放飛機,又話肩周炎乜乜物物,再懶好心地介紹另一個聲稱有十年經驗既過我(但收同樣價錢)。基於物以累聚既關係,對呢個所謂星級陪月信心盡失,就算佢有介紹,自己都要做多手準備。夫人整天四出發散人馬找經驗陪月,幸好最後總算有點候選佳麗揸手。好讓對付拆白黨時有多點籌碼。
翌日跟星級孖寶會面,實在大開眼界。星級先露出她那隻雪白肩周臂博同情一番,再吹噓她帶來的代替品經驗老到、誠實可靠,但那代替品顯然是冇料扮四條,除了「你鐘意食咩咪整比你食」之外,仲叫夫人朝早可以叮返熱啲飯黎食。XDDDDDDD 四條發現自己好似講錯野,向星級求救。星級即時尹天仇上身,一副「扮單拖~扮單拖~」既咀臉,捨棄同黨。唉,見到呢個對顧客冇誠信,對同黨冇義氣既人。都無謂再玩落去,即時攞返份約出黎,叫佢退訂走人。
同日再見另一位朋友介紹既籌碼,早於電話查詢時有紋有路既對答,其實已經心中有數。見面後感覺依舊良好。便揮筆簽約。夫人同囡囡既事宜就交比你啦!:)
所以「塞翁失馬,焉知非福」。呢句說話係啱既!
全力扣殺
By lokyin in My Share一個關於運動的熱血故事,要拍得好看其實並不困難,但今次對郭子健顯然失望至極。早前 Youtube 上看到的花絮,原來已是最精彩的部分,但在正式公演的版本郤統統剪掉。
故事鬆散沒張力,對必殺訓練,又沒有適當描述。角色心態流於表面,水準連《打擂台》的一半都未達上。所有演員均目無表情,毫無演技,而視為亮點的林敏聰及鄭中基,亦只是不斷重複他們那過時的幽默感。
又一次比港產片伏左。Shit!!
Rhys 100th Day Celebration
By lokyin in My Life恭喜小方包出世一百日啦,祝小方包繼續健康快樂咁成長。亦好高興係百日宴上面見返一班觀塘識訓設計系既書友。
Lala 個女真係好鬼馬靈精怪。XDDD
銀袋活動
By lokyin in My Life以隨從身份出席銀袋活動,感謝 Sa 姨每次都借出安樂窩兼招呼周到。一班女子組天南地北、雞啄唔斷。而我就閒時搭訕,閒時跟桃姐畫圖畫。
畫著畫著,感到都係生女好,同女仔玩我會比較有耐性多啲。XD
Surprise Baby Shower Party
By lokyin in My Child, My Life好多謝 Siu Lung and Friends 幫小女攪左個 Surprise Party 。入到屋,我地仲問邊個生日?真係好驚喜。 XDDDDDD Thanks sooooo Much !在心中。 :)
媽媽加油!媽媽努力!BB 好快有得食!!
開心大發現
By lokyin in My Life被媽媽意外發現這個好地方,本來只是打算看看奈良美智的展覽,但最後最吸引我的,反而是這個被樹林環抱的建築。於空中花園坐著把玩手機,感受一下微風,再配襯簡單的展覽及工作坊,好一個優閒的星期天假期。
雖然到現在我還攪不清楚,這個亞洲協會香港中心到底是幹什麼的。但今時今日於金鐘這個黄金地段,還能保留著這樣的歷史建築,而不被用作商業用途。
單單這一點,已足夠令我感到相當欣喜。
The Avengers: Age of Ultron
By lokyin in My Share雖然各英雄魅力依然,但整套電影實在太唔清唔楚,既要顧及有足夠既動作場面,但又有水蛇春咁長既故事要交代。弄得所有情節皆只能以一個畫面、一句說話輕輕帶過便算。
既然 Ultron 無處不在,為何 Avengers 們依然可以從網上取得資訊?另外 Ultron 的身體不是含有汎合金的成份嗎?為何如此不堪一擊? Ultron 如何出現、 Jarvis 如何修復、 Vision 如何煉成。其實直到電影完結,我依然弄不清,唯有事後補完。
第二集都已經咁亂,結尾仲出現無限手套及 Thanos ,睇黎 Marvel 電影往後的世界觀只會煩過梵蒂岡。