my name + my life + my thoughts + my everything
多左個小老闆，下半世要打佢工。為左期望將來退休之後，小老闆會照顧返我，所以宜家極力同小老闆拉關係、擦佢鞋、氹佢開心。
多左個孫，兩老榮升爺爺嫲嫲。感謝平日幫助照顧小 Greer ，湊孫生活雖然忙左，但眼見兩老又好似充實左同開心左。願爺爺來年繼續放假、繼續湊孫，繼續放假、繼續湊孫，繼續放假、繼續湊孫直到永遠。
啲人成日話組織家庭，今年多左小 Greer ，正式由二人世界進化成三人世界，名正言順係一個家庭。以後無論行街、食飯、訓覺都要預埋小 Greer（暫時睇戲除外 XD），何止係生活一部份，直頭係身體一部份，甚至生命一部份。
重讀近半年網誌，絕大部份都是囡囡的生活點滴，說穿了 lokyin.com 的重啟，確實某程度是為了妳。好讓妳長大後，能多一個途徑了解爸爸、了解自己。了解所有有發生過的。
偷得浮生半日閒，難得半天假，跟夫人行街、睇戲、食飯兼按摩。
聖誕檔期除了星戰、葉問，好像便沒什麼電影好看。星戰由於從沒認真看過，不是粉絲亦不像中從加入，所以便選擇了次熱的葉問。來到第三集，早預到沒先前好看，只要打得精彩，略有故事，但求娛樂兩個小時便好收貨。
結果合乎預期，故事薄弱鬆散，好幾個場口為戰而戰且有頭無尾。如開首李小龍那段，其實可有可無。純粹借其名聲引發多點話題。至於被視為重頭戲的泰臣對戰，葉問有本事找上門單挑，勉強捱過三分鐘便拿拿臨執返身彩走人。雖然打得好看，但論故事確實有點無厘頭。
個人反而喜歡電梯泰拳戰及與張晉的詠春正宗之爭。前者充分表現葉問夫妻間的信任與感情，後者實實在在同級對決，不用勉強越級挑戰外星人。
先後看過多套關於葉問的電影，可說各有所長。論藝術成份及世界觀，首推梁朝偉的「一代宗師」；論人物傳記及真實性，還看黃秋生的「終極一戰」；論動作武打及娛樂性，甄子丹的「葉問三部曲」是無可置疑的。
聖誕假後，突然感覺妳長大了很多。由海豚式滑行變為四肢爬行，活動範圍由二維空間變為三維空間，開始有喜惡、有情緒。甚至能接受一些簡單指令。看見妳日漸成長，感到妳已開始慢慢進入小孩階段，不再BB。雖感不捨，但仍然感到相當欣喜，亦慨嘆生命的神奇。
看著妳，時常會思考，究竟可以為妳做些甚麼？甚麼才是妳真正需要的？待妳會說話的時候，不防告訴我。
Happy 7 Months Birthday My Greer :)
洋洋實在太乖了！氹到公公唔洗食野都飽晒，最鍚啲專重長輩既小朋友。祝公公生日快樂、身體健康、萬事順利。
多謝 Mike and Jenny 安排呢個人 21 大 3 小既 Boxing Day 大派對。大家都玩得好開心，仲有貼心育兒專區。為 2015 既聖誕完美落幕。
P.S.: 其實都仲好鬆動，我們就是喜愛迫爆（別人）家的感覺。XD
聖誕節最好既節目就係同一班好朋友見面，先有銀袋會，後有 Joe’s Family & Friends。
為左每一年都影到呢張六人合照同等小 Greer 可以多啲機會同 Rhys 哥哥玩，我決定往後年年都黎打攪你。Merry Christmas!! :-P
多謝爺爺嫲嫲平日既悉心照顧，雖然平日日日都見，但礙於大家係屋企都係街坊裝，兩老其實好小同小 Greer 影相。
就襯爸爸平安夜收早，爺爺嫲嫲又剛好有下場，一於著靚靚影返幾張弄孫為樂家庭照吧～ :)
感謝 DaDa 媽邀請，小 Greer 第一次參與這類 MaMa Group 活動。係囉，簡簡單單食下野，交流一下育兒心德咪幾好囉，邊洗又贊助又乜又物咁多野架。
祝各將軍澳寶寶身體健康、聰明伶俐、聽教聽話。聖誕節快樂！:)
