開學前最後一擊，由洋媽公司贊助，價值七千多港元的豪華 staycation。對著 180 度的維港海景。單是坐著也覺得是享受，認真不得了。
Archive for August, 2023
August 26, 2023
0
網絡禮儀你要識
By lokyin in My Share無論喺我自己啲 post 定朋友啲 post，不時都會見到一啲負面／否定式嘅 comment。舉下例子，如有畫師貼咗張自己畫嘅畫，就會有人留言「呢種畫風有啲過時，你應該學下 xyz」；如有人貼咗張去餐廳食好西嘅相，總有人留「呢間啲嘢麻麻，唔正宗」；有女仔貼自拍話自己買咗條靚裙，會出現「呢條裙唔襯你，着到你好肥」；有人話自己遇到某啲事好 lucky 好開心，留言會講「運氣始終會用晒」；又見過有人出 post 同自己隻病咗嘅寵物打氣、希望佢會好返，然後有個 comment「呢個 case 冇得醫，你做定心理準備好啲」等等等等。
會留呢種 comment 嘅人心態包羅萬有，有人想乘機炫耀自己嘅見識、品味或理性，有人覺得我講出心裡面嗰句只係「為你好」，有人純粹思想慣性負面諗到嗰句隨口照直講，有人反社會人格就係唔抵得人開心，又有人其實係唔多鍾意你，見你咁高興就想寸下你等你唔舒服（唔好咁得戚？）。
大家留言俾人之時，都可以留意下自己係咪講緊呢類否定式嘅說話，如果係，又如果你係上述所講最後嗰 type，咁都吹你唔脹，你喜啦；但若然你自問唔係最後嗰種人，又不時會咁 comment 嘅話，就真係要諗下點解咁做並戒一戒，人哋同你無仇無怨，發表下自己嘅感受或分享下喜悅啫，何必要潑人冷水甚至打擊人哋，令對方唔開心？咁做你得到咩好處呢？其實真係幾冇禮貌嘅一件事。唔係要誇誇群咁鳩讚，而係呢個世界仲有一個 option 叫「唔出聲」。
當然，如果單嘢係緊要嘅，eg.有人出 post「我搵到份荀工，20 萬月薪下星期去柬埔寨做 manager 呀！」呢啲人命悠關嘅嘢梗係出聲啦，但啲 post 明明無傷大雅，又唔關你事嘅，冇人問你意見就試下出少句聲，積德積福。
其實不止網絡，現實世界跟別人相處也是。但人性其實係：「我好我戥你開心，但唔可以比我好太多。」（Best comment by Jenny Chan）XDD
August 13, 2023
0
圓玄學院
By lokyin in My Art, My Family, My Life
每次一家人來到圓玄學院，就覺得是拍攝家庭照的最佳時機。室外光永遠都比室內好。
August 12, 2023
0
Megan 9th Birthday Party
By lokyin in My Child, My Life
謝謝鍾氏邀請參與 Megan 9 歲的生日派對！桃姨滿滿心思的安排，以及一絲不苟的佈置。
不禁令從未舉辦過生日會的我們，對舉辦生日會這回事更加有壓力。哈哈～
祝萱萱生日快樂，身體健康，一家人幸福快樂！
August 10, 2023
0
Baby Greer 芭提雅遊．Kluay Kluay
By lokyin in My Child, My Life, My Trip
見大家已自然起床加上沒有特別行程，便盡量應朋友代購的要求，專程前往 Gentle Woman 碰碰運氣。怎料「劉慧冲」說得一點也沒錯，店舖充斥着眾多代購人仕，連上樓的機會也沒有便決定放棄，但既然一場來到 Siam station，也襯機會品嘗韓流 EggDrop 及小阮力推的 Kluay Kluay 香蕉班戟。
最後再回 Terminal 21 Asok 的 food court 作最後衝刺，一連六日的 Baby Greer 泰國遊正式完美落幕，完美到行李也以 29.59 KG 作結！再多一點也寄不了倉。XDDDDDD
Baby Greer 芭提雅遊大成功！！！！
August 9, 2023
0
Baby Greer 芭提雅遊．鄭王廟
By lokyin in My Child, My Life, My Trip
酒店不包早餐的好處是⋯⋯代表我們需要四處找吃的。先到 Rua Thong Noodle 以船麵作早餐。16 泰銖的一碗船麵，吃到滿桌都是空碗，也不過 100 港元，性價比極高。不禁替店主擔心能賺錢的嗎？
出外旅遊，除了吃喝玩樂，到歷史景點打卡總覺得是必須的。雖然天氣炎熱，也強行拐帶了兩母女乘船到鄭王廟拍照留念。可惜今天的鄭王廟已不容許旅客爬到塔上。
遊過鄭王廟，再乘船到旁邊的 IconSiam 涼空調，剛才小 Greer 乖巧地於鄭王廟讓我拍照，現在也該輪到我陪小 Greer 玩 Play House，MEGA HarborLand 果然名不虛傳，果然十分巨大，十分 MEGA ，小 Greer 於這裡足足逗留了兩個半小時！
入夜於 IconSiam 的 food court 用餐，再趕回 Asok 站作今次泰國之行最後一次的按摩活動。是日之選：「腳底加肩背 @ WellCare Massage & Nails」
August 8, 2023
0
Baby Greer 芭提雅遊．Na Klongwan
By lokyin in My Child, My Life, My Trip
第二天享用酒店的自助早餐後，便到酒店的 Kids zone 消磨時間。Check out 後再往 Terminal 21 Pattaya 逛逛，便乘包車回曼谷。由於到達時間比預期早，所以便臨時抽取兩個小時到 Siam Paragon 買手信。再乘 Grab 到是夜海鮮自助餐的餐廳 Na Klongwan Vibhavadi 20 。
怎料曼谷交通擠塞的情況遠遠超出我們的想像，正常半個小時的車程，連同等待司機的時間，足足花了個半小時。幸好最後都能安全到達，但由於遲到了半個小時，以至本應兩個小時的用餐時間，我們只能享用個半鐘。但也總比來不及好。因為這是洋媽點名想試的餐廳。
以 All you can eat 的餐廳來說，質素算是不錯，但實在吃得太兇，肚子有點吃不消。基於時間已晚，加上現金用盡。是日沒有按摩環節。讓身體好好休息一下吧！:-P
August 7, 2023
0
Baby Greer 芭提雅遊．Space Water Park
By lokyin in My Child, My Life, My Trip
吃過酒店的自助早餐，便火速回房間換上泳裝到酒店的 Space Water Park 玩過痛快！想跟小 Greer 再來一次水上樂園已經很久了。回想對上一次已經是五年前於澳門新濠影匯的綠野游蹤。早前本欲想再到澳門一次，但看看價錢⋯⋯倒不如到泰國旅行時才 encore 水上樂園吧！
雖然樂園比想像中小，但也足夠小 Greer 消磨整個下午，五年前連滑梯也不夠膽玩的小 Greer，今次滑了近二十次！！不輪長的短的也難不了她，顯得異常興奮！
入夜到 Fat Coco Seafood Club 吃晚飯，本被一眾負評嚇怕，但親身體驗後，覺得其實相當不賴。至少食物質數比 Cave Beach Club 好。飯後四處閒遊，還誤打誤撞地帶同小 Greer 走進了紅燈區，基於狐假虎威的關係，沒有人敢向我招手。XDDDDDDD
睡前活動分道揚鑣嘆全身按摩，洋媽之選：「Lets Relax Onsen and Spa 」