讀設計的,有誰未嘗過於時代廣場中的 Pageone 打書釘,有誰未嘗過為買到一本心儀的參考書而珍而重之。(因為價格不菲丫!)
今天的結業,見證著一個時代的終結。很害怕有一天,海港城及又一城的都會隨之而去。
讀設計的,有誰未嘗過於時代廣場中的 Pageone 打書釘,有誰未嘗過為買到一本心儀的參考書而珍而重之。(因為價格不菲丫!)
今天的結業,見證著一個時代的終結。很害怕有一天,海港城及又一城的都會隨之而去。
今年春節好高興,日日四出團拜兼聚賭,每日總有兩三檔,四日假跟本唔夠用。XD
今日西北遊, Kitty 、Crystal 及 Joe Fong and Friends ,初抱梓洛感覺新奇,因為是人生首次獨自抱起這樣初生的嬰兒,完全感受到生命的神奇。抱別人兒子都有這樣的感覺,很難想像三個半月後,親手抱起自己囡囡時會如何感動。
祝梓洛健康快樂、快高長大,要好似爸爸咁高大。:-P
嘩!睇到想講粗口,大好情人節就咁爛尾。如果十分滿分,我會比零。雖然有聲有畫,但基本上呢套唔係一套電影,都唔明點解咁既戲,要有三個編劇。雖然有 3 Pair 人,三個編劇,但一個故仔都冇丫!!!!!!好似睇左個幾鐘 MTV 同宣傳易。
相比之下突然覺得風暴好鬼好睇,唔好再怪香港人唔支持香港電影,係你地自己唔爭氣。電影係 Teamwork ,我唔知今次出事既罪魁禍首係邊個,但眼見浪費晒一眾工作人員同攝影師既心機,我覺得好難過。因為畫面雖然 Instagram 左啲,但無可否認拍得幾靚的。
今次真係質素不似預期。
情人節做產檢呢個節目真係冇得輸!一次過跟兩代情人拍拖拖。第一次照 4D ,感覺相當 Amazing !與第一次照超聲波看見妳手舞足蹈的感覺同樣震撼。
以往一直對那種單色 4D 照感覺一般,一舊二舊又不算太清楚,感覺怪怪的。但當親歷其境時,原來 4D 並不是單單的一張橙黃色照片,而是 Real Time Animation ,看著妳左顧右盼,嘴仔開開合合的,相當欣喜。(早就知妳是為食妹 :-P)幸好啞醫生主動提我趕快拿出手機來拍 Video 。要不然還被那神奇的畫面弄得呆若木雞。
剛做完檢查,就看到 Ka Yeung 與 Carol 以及 Terry 夫婦於 Facebook 發佈喜訊!再加上某某神秘人仕。
呢個情人節,真係不得了。祝願各個好友,繼續如願以償! :D