寒流襲港,小 Greer 又一次成功跨越新挑戰。化身 Ironman 到西貢 brunch 及參觀 Bumble Bee Open Day ,感覺唔錯,成間 Playgroup 充斥外國勢力,有望提升視野及語言能力。
這些都是爸爸缺乏,而希望妳能擁有的。
寒流襲港,小 Greer 又一次成功跨越新挑戰。化身 Ironman 到西貢 brunch 及參觀 Bumble Bee Open Day ,感覺唔錯,成間 Playgroup 充斥外國勢力,有望提升視野及語言能力。
這些都是爸爸缺乏,而希望妳能擁有的。
攜小 Greer 到老人院探太嫲,是下雨天的最佳節目。今次小 Greer 跟太麻終於有交流肯笑笑,逗得太嫲唔見牙又唔見眼。 :-P
繼早前於淘寶淘木失敗後,襯今天到旺角開會,終於有機會為小魚悠悠添置新的沉木及水草,好讓能及早完成整個翻缸工程。
眼看小 Greer 望著新魚缸時的喜悅表情,再麻煩也覺得值得。
小 Greer 年紀小小就為小魚們討得更美好的生活環境,不至被爸爸棄養,都算是積了點褔氣吧。:)
撇除政治立場、二次原創、人物關係等因素。
毛記電視的確完美示範何謂 Work Hard, Play Hard ,惡攪都可以攪到咁大龍鳳兼有聲有色,真心佩服林日㬢等人。
毛記今次既分奬典禮同幫 Shell 做既網絡行銷,雙贏程度直頭可以係教材級。從來冇一個活動贊助商係可以咁得觀眾同嘉賓歡心,多謝 Shell 係多謝得幾咁樂意同真心。毛記條橋同執行能力當然係無可置疑,但其實都要靠時勢做英雄,今次既成功,好大部分係因為小眾長期被壓迫形成既投射同反彈。
鋤強扶弱,雪中送炭既形象,就算你「再好相與」都未必買得到。我諗 Shell 自己都估唔到會有咁既效果。
反觀同樣抽水起家既某 Youtuber ,早年都言之有物,娛樂態度兼備,但近年只懂找𡃁模騷手弄枝。美其名帶領新人,說到底是技窮。新人出頭,從來不用灑鹽花,只要夠專業夠認真,觀眾是感受得到的。像毛記一眾偽員,初開始都是名不經傳,但經過一整年在鏡頭前後努力,加上於分奬禮上表現出色,現在每位偽員都能獨當一面,我指的是:東方昇、盤菜瑩子、利君牙、崔建芒、黃慘盈、Dickson 等……
「認真事柒做,柒事認真做」繼續加油!多謝 Shell !多謝 NOW !多謝毛記!
有人心血來潮,說要親手製作一花束送給快將生日的銀袋會好友,更請來 Floraholic 的 Boss Koo 作全程指導。最後當然大成功啦。
事後仲話:「原來整花俾人好開心架!」
好,咁情人節一於搵妳幫手整扎送比夫人。一於咁話! :-P
Baby Greer 話金魚街太小兒科,要進軍海洋公園睇大魚魚。
爺爺嫲嫲知道後,說他們有長者優惠能免費遊樂園,如沒事幹便來撞撞小 Greer ,撞乜鬼丫,一齊去啦~ XDDDD
生日天,當然少不了夫人既朱古力題字蛋糕,夫人手字越黎越利害!
多謝夫人的水月生日飯,好讓爸爸見識何謂分子料理。果然相當特別,由其最後這名為 DIY 曲奇的甜點。因沒有事先了解,所以連夫人也覺驚喜。哈!
至於生日願望,全送了給小 Greer ,因為從今以後,妳快樂,將會等於我快樂。Happy Birthday to Me!:)