謝謝 LaLa 邀請我們設計系同學會到其新居 House Warming ,真心覺得做公務員好幸福囉!呢樣亦係唯一一樣令我後悔無好好考好會考既事。:-P
Archive for the ‘My Life’ Category
Happy Valentine’s Day 2017
By lokyin in My Child, My Life阿古姨姨既 Floraholic 開左檔咁耐,都未正式幫襯過。免費花藝反而收過幾次。
襯今年情人節終於不是假期,終於可以幫襯讓洋媽威威。訂花時要求只有一個,「靚過牛記!」怎料成品何止靚過牛記,甚至比坊間一眾所謂名店更漂亮、更用心。即時後悔以牛記作指標,簡直侮辱了制作單位。
最驚喜的是不只洋媽,連小 Greer 都有份,就是知道古姨徧心於小 Greer 。好一次買大送細的母女花朿體驗。
是日半小時料理:Show Me Your Love 飯,雖然事先張揚,但亦滿心滿足。♥ Happy Valentine’s Day ♥
Greer’s Kitchen
By lokyin in My Child, My Life由於小 Greer 實在太乖既關係,我決定提早送上小 Greer 夢寐以求既玩具廚房比佢。但 Just like home 果隻 Quality 我個人就唔多 Like 囉。呵呵!一係唔買,買就要買有品味;一係唔玩,玩就要玩有質感既。
雖然係貴左小小,但見到妳個開心樣,即時覺得相當超值!!:-P
大年初七
By lokyin in My Life哈!哈!終於難得地有賓客到我們家來拜年,家中的年花不用再孤芳自賞、全盒不用再獨食難肥。
自從於居所附近開了間潮州小店後,招呼朋友實在放便多了!不用再叫那種例遲之餘又難吃的外賣薄餅套餐。Cheers~!
大年初三
By lokyin in My Child, My LifeTKP 丁酉雞年賭王大賽,又怎小得小 Greer 的份兒。魚蝦蟹,阿女淨係識買魚都竟然小有斬獲。可惜買魚唔係賠魚,如果唔係相信阿女會仲開心。哈!
特別鳴謝 Mike 及 Jenny 的場地提供。新年快樂!萬事勝意!
大年初二
By lokyin in My Child, My Life繁忙年初二,帶著小 Greer 跟她那來自各區的朋友仔拜年,分別有:寶琳Da、屯門萱、元朗洛。
祝各小朋友身體健康、快高長大、聽教聽話、聰明伶俐。:)
B+Studio10 X AIA Carnival
By lokyin in My Child, My Life雖然一向都有同小 Greer 影開自拍家庭照,但一個人又要對焦、又要氹阿女笑、又要按快門,跑來跑去其實也挺累人。洋媽提議不如襯小 Greer 現在處理最討人喜歡的年齡,到影樓拍攝一輯家庭照。剛巧於 Facebook 看到朋友於 B+Studio10 拍攝的成品,風格正是我喜歡的,價錢亦合理。所以今次便有勞他人為我們拍家庭照作留念。
十分滿意 B+Studio10 兩位人員的服務,除了盡力把我那失救的鼻子回復原狀、亦花盡心思逗慢熱的小 Greer 展露笑容。單是兩位員工足鐘的兩小時貼心服務,實在不好意思以最低消費離塲,見照片質素不賴,便以全購價作結。
拍攝完畢再到一年一度的 AIA Carnival ,受制於 90cm 所限,小 Greer 只可以跟紙板人物拍拍照及乘坐旋轉木馬與小火車。幸好洋媽最後大發神威!於攤位遊戲中贏了一隻小「毛毛」,好讓小 Greer 能夠將嘉年華的歡樂帶回家。