今年乜都唔洗送,因為能夠依時出院已是最佳的生日禮物了。對嗎?
辛苦晒啦媽媽! :)
今年乜都唔洗送,因為能夠依時出院已是最佳的生日禮物了。對嗎?
辛苦晒啦媽媽! :)
玩左四十四個小時,Baby Greer 終於出世啦!!雖然一時三刻未能適應身份上既轉變。但我深信我們這一家,會因為小 Greer 而變得更加幸福、更加美滿。
Welcome to the wonderful world. :)
在伊院經歷人生最漫長的四十四小時,識得訓一定係去 Pacific Coffee 訓。
雖然不用捱痛,但原來陪產都不是一件輕鬆的事,眼見親愛的痛得氣弱柔絲,但事情也得不到寸進。而自己又不能幫上甚麼忙,感覺並不好受。十分後悔相信這個盲塞的醫療系統,以及迷信於順產對寶寶及母親皆有莫大好處的種種,我不排除順產確實有它的優點,但其對母親的精神傷害亦不輕,由其在那盲塞的系統中,未到寶寶快缺氧都未肯開刀、未到寶寶快餓壞都不肯給你補奶粉等等……絕對令人未喜悅先抑鬱。
學容姨話齋,出世唔夠氣,大左去跑步練氣囉。XDDDD
哎!資料搜集棋差一著,累媽媽空歡喜一場。既然改變不了事實,唯有改變心態去接受它,相信上天的安排。我知道上天總會為我們安排最合適的。辦婚禮如是、生孩子如是、請陪月如是,相信今次都不例外。
只願母子平安!其餘一切都只是小兒科。加油丫媽媽!!加油丫囡囡!!全家都做得到!!HEY!!
28+1 拍攝計劃…………來到第廿八張!!!!好好好好緊張丫!!!!見到龍門啦!!!!
食咩都冇所謂啦,最緊要係可以係卸貨之前,見一見大家。開開心心吹下水。 :)
P.S.: 多謝 Jenny 姨姨同 Mike 叔叔既禮物。思維正確,好啱用丫!
被早於半年前預約的廿年經驗陪月放飛機,又話肩周炎乜乜物物,再懶好心地介紹另一個聲稱有十年經驗既過我(但收同樣價錢)。基於物以累聚既關係,對呢個所謂星級陪月信心盡失,就算佢有介紹,自己都要做多手準備。夫人整天四出發散人馬找經驗陪月,幸好最後總算有點候選佳麗揸手。好讓對付拆白黨時有多點籌碼。
翌日跟星級孖寶會面,實在大開眼界。星級先露出她那隻雪白肩周臂博同情一番,再吹噓她帶來的代替品經驗老到、誠實可靠,但那代替品顯然是冇料扮四條,除了「你鐘意食咩咪整比你食」之外,仲叫夫人朝早可以叮返熱啲飯黎食。XDDDDDDD 四條發現自己好似講錯野,向星級求救。星級即時尹天仇上身,一副「扮單拖~扮單拖~」既咀臉,捨棄同黨。唉,見到呢個對顧客冇誠信,對同黨冇義氣既人。都無謂再玩落去,即時攞返份約出黎,叫佢退訂走人。
同日再見另一位朋友介紹既籌碼,早於電話查詢時有紋有路既對答,其實已經心中有數。見面後感覺依舊良好。便揮筆簽約。夫人同囡囡既事宜就交比你啦!:)
所以「塞翁失馬,焉知非福」。呢句說話係啱既!
恭喜小方包出世一百日啦,祝小方包繼續健康快樂咁成長。亦好高興係百日宴上面見返一班觀塘識訓設計系既書友。
Lala 個女真係好鬼馬靈精怪。XDDD