Designer Chair - 我不知道這個名字的由來。但每個幹設計的,都總會希望添置一兩張所謂 Designer Chair 於家中。小弟亦不例外,隨著價格下調,終於可以一嘗心願。買了一套四張最 classic 的純白 Eames 作餐椅。雖然只是高仿貨,但都滿心意足。
但夫人竟然話:「乜咁似快餐店既?」 暈~XD
Designer Chair - 我不知道這個名字的由來。但每個幹設計的,都總會希望添置一兩張所謂 Designer Chair 於家中。小弟亦不例外,隨著價格下調,終於可以一嘗心願。買了一套四張最 classic 的純白 Eames 作餐椅。雖然只是高仿貨,但都滿心意足。
但夫人竟然話:「乜咁似快餐店既?」 暈~XD
好感動,有史以黎第一次 upgrade iOS 係冇變慢到。仲要快左順左,簡直難以至信。 :-O
宜家部 iPhone 5 同 iPad (4 generation) 好似脫胎換骨咁,正!有排用。
第一次係新光睇 show 。多得 Ruby 既免費飛,令我地可以一行四人欣賞達 Ming 同農夫既棟篤笑,達 Ming 有幾多料其實心中有數。今次仲係佢久病初愈兼首次復出,就算演出未算精彩,掌聲都係出自真心的。
至於農夫表現一如預期,好笑,但未夠深度。會想睇,但未至於肯自掏腰包。因為呢類棟篤笑係身邊其實日日上演,只不過係由 C 君、陸永,換左做灰記、榮總,又或者大包、新權而己。XDDDDDDDDD
係,搵食係艱難的。由其做創作。
謝謝 Sa、V 款待,於星期天大伙兒享受了一個美味的 Brunch Time 以及健康的 Hiking Time 。
遇著性格徧移的小孩,一話一句都要小心盤算。因為你不會知道說話聽進後會被怎樣解讀。想拾回正軌,究竟應該用朋友 mode ?還是長輩 mode ?錯了應該諄諄善誘?仰或武力威嚇?最後雖然拳打腳踢依舊,但我依然相信以德服仁永遠比暴力鎮壓來得治本。
從善如登,從惡如崩。教小孩確實需要無比的時間和耐性。
比較過很多同類型公司,點點印的出版軟件算是最方便易用,成品亦不錯。
把大日子的照片變成書。實體化的存在感,非電子屏能所媲美。
婚後第一個元宵情人節,公人鮮花贈美人、煮人部隊贈英雄。Love You :)
呢期 OUT OUT 地咁睇緊《那夜凌晨,我坐上了旺角開往大埔的紅VAN》文字版,當作是戲前溫習。暫時感覺良好,但從各方消息都指出這是部爛尾之作。所以一路睇一路驚……拜託千期唔好。
自《GANTZ》後好怕睇爛尾野。
Update-讀後感:果真是爛尾之作,本來由開車至拿打素一段都不錯,所有地標、場口、設定均與真實接軌,縱使故事荒誕離奇都無損代入感。但直到最終章情況便急轉直下,完全係開大左個頭,但收唔到科既寫照。以為寫個 The Fact 係結局前就當作交代?不能將迷底融入故事內,要另開註解已是失敗。解唔通之餘便草草結尾更是失敗中之失敗。睇黎電影版有好多位需要改動一下才能成事,還看陳果功力。但以網路小說來說,都算值得一看。因為題材新鮮,不是獨沽一味港女、叫雞、灑鹽花。