第一次睇到呢張圖既時候，淨係覺得好好笑。心諗：「又 Key 得幾過癮喎！衰鬼。」
但眼見自梁上場後香港的變天，終日不斷輸入劣質人口、政策及管理；繼而染指經濟、能源及法治。
再見返呢張圖，我笑唔出。因為我知道呢幅唔只係幽佢一默既二次創作，呢幅係可悲既現實。
每日不斷睇住一個短視既政府，帶住一班唯利是圖既牛鬼蛇神出黎胡說八道。除左係鍵盤上面打幾隻字發洩下，其實根本冇野可以做。和平理性爭取？老老柒柒我唔覺得 Work ，和平左十七年啦！咪繼續你有你嘈，佢有佢繼續將香港赤化。
Archive for the ‘My Thoughts’ Category
April 17, 2014
0
About Betty
By lokyin in My Thoughts係 Betty 事件上面，我覺得佢都係受害者，入境處多一事不如少一事既處事手法，無條件、無限期同佢續行街紙。續到續左個大頭佛出黎。比身份証佢似乎係唯一解決既辦法。除左因為法律不外乎人情，亦都係為入境處既過失埋單。唔通你肯續人十幾年行街紙、肯比人考公開試，到人地真係考到好成績，仲要有大學肯保佢之後攪唔掂，先丟佢落公海？
無可否認年少氣盛既佢，態度同角度都有佢唔成熟既地方。但一個女仔努力左咁耐、經歴左咁多。最後終於得到佢想要既野，果種複雜既心情，唔會有好多人明白，如果因為咁而令到文筆稍稍徧激，其實可以理解。既然事情去到呢一步，而佢又真係有本事考贏晒你班所謂土生土長既香港人。何不給他人一個機會。
香港從來都係一個聯合國，又有幾多真係土生土長既原居民？如果要我從「偷渡來港 11 年，憑個人實力考入醫學院的女生」和「財大氣粗擁有不少於港幣 1000 萬元淨資產（香港投資移民的最低要求）的暴發戶」中，二選一個成為港人。我會選擇那偷渡女生。
最怕比人炒，最怕同人爭既係咩人？就係冇本事另謀高就同只懂飯來張口唔夠人爭既人。城市一體化，社會保得你一時亦保唔到你一世。
April 13, 2014
0
最佳男主角
By lokyin in My Thoughts
好彩仲有「賤輝」頂住呢個中國香港電影金像奬頒奬典禮。好野！
賤輝：「呢廿幾年嚟，我咩都沒做過啊。我唔想到我熄燈果一刻，我連一件值得回憶嘅事都無呀。」
賤輝有冇我唔知，但張家輝你一定有！
April 9, 2014
0
經濟人生
By lokyin in My Thoughts「我們的社會要推廣同一種生老病死、同一種做人方式、同一種戀愛和婚姻，因為這些人生的背後，是血淋淋的生意和利益。戀愛之後一定要結婚，女人不結婚是剩女，因為結婚是一筆很大的生意。鑽戒、婚宴餐飲、婚紗禮服……樣樣都是錢。結婚變成情愛生活和人生的 must-event ，保障了很多行業財源廣進；結婚之後也一定要生仔，因為小朋友又是一門大生意：奶粉、尿片、童裝、玩具、學前 play-group 、十項全能訓練班⋯⋯全部都是錢，而且父母不會省，潛力無限；結婚生子，就要買樓，得自置物業。樓市的需求和投機，永不終止。這一代的扑野活動或者生兒成家，都只是上一代的投資和生意。」
節錄：無待堂﹣扑野經濟學
不能同意更多。一直覺得人生所需要的，其實用不著這麼多。所有都是商人所設定的經濟活動。可惜活在當下不能獨善其身，被迫看風使舵，隨波逐流。
如果有一天我要離開，捐盡所有後，就由得他塵歸塵，土歸土就可以了。不想在生命完結之時也要後人被奸商撈一筆，亦不想死人霸生地。要懷念，在心中已足夠。何必拘泥於儀式及靈位？
March 18, 2014
0
東方之豬
By lokyin in My Thoughts
真係慘，昔日東方之珠比人攞左黎做反面教才。都係果句：「管得掂既，比你管晒又何妨？」
有能力既人唔出聲，冇能力既人又爭著做（管）。何止可以用黎形容人，直頭可以用黎形容國情。
好心痛，睇黎中華民族既最後堡壘好快都會守唔住。
究竟人類為利益可以將條低線放到幾低？為利益可以將個圍牆起到幾高？