my name + my life + my thoughts + my everything
好好睇！這套童話新譯當真有意思，由其當中的所提及的 Ture Love 。的確任你多熱戀的情人，在母親對子女的愛底下，都會被比下去。那管是養娘。
Angelina Jolie 久休復出依然艷光四射，整套電影就活像她的個人表演，總之有她的場口就吸晴耐看。在未成魔女前，看她利用巨翼在天空高速飛翔，簡直是一種視覺享受。除了特技的幫助，她那精湛成熟的演技，一舉手一投足，都完全演活一個君臨天下、愛恨交纏的 Maleficent ，要柔溫有柔溫，要冷酷有冷酷。精彩！
另一想讚的是，電影中 Maleficent 的造型原來蠻忠於原著，但何解一個這麼老土兼肉酸的人設，落在 Angelina Jolie 身上會型上那麼多的？！
古堡式設計，配上美味佳餚及貼心服務，早已令人忘郤早前訂坐時的不快。雖然待應生們或多或少總有點澳牛風格，但習慣了反而覺得這是一種味道。那個未有劉德華宣傳「優質服務，致勝之道」的年代，就是這樣直率和自我。
坐在裡頭用餐，就恍如置身七十年代。那十年如一日的浪漫安排（印名便箋、樂隊獻唱、即影即有及綠葉玫瑰）其實蠻老士的。可是我郤相當受落和喜歡。我就是那種喜歡老東西的人。
Growing Old Gracefully, Happy Birthday My Dearest… ♥
表弟 (Edwin) 家上海菜暨 KES & Big O Birthday Party ，表弟一家實在太太太客氣了！
眼見淨係車出車入都最少車左五轉，乜搭的士真係咁難既咩？ Thanks Edwin and Catherine again. :)
發現左樣新玩意，叫 HIIT (High Intensity Interval Training) ，聽說能比普通有氧運動，更有效燃燒身體脂肪。對於我呢類懶人，要我換衫、落街、跑步、做運動實在需要天大既行動力同勇氣。
HIIT 只需每日二十分鐘，都係一啲以前 PE 堂都會做既簡單既動作，安坐家中都可以做到。唔好以為邊有咁大隻蛤乸隨街跳。HIIT 結合高強度訓練及間歇訓練，於短時間內讓心跳率提升、達致加速燃脂效果。試左一 Part ，真係仲辛苦過我跑半個鐘步。
決心為消滅條士啤軚而努力！
雖然超級曬同超級熱、甚至頻臨中暑邊緣。但今日既天氣真係好好、好好、好好丫！好耐都未見過咁靚既藍天白雲，靚到好似成幅 HDR 咁。
Happy Hiking with Nice Friends, Nice Place and Nice Weather! :)
激死我，啲老屎忽真係好鬼黑人憎！！！
Amigo：「我提提你吓，唔好著背心、短褲、涼鞋！（悔氣 mode ）」
me：「我都提提你吓，果日我老婆生日，請問生日係咪有啲咩Special？」
Amigo：「咪送個蛋糕比你囉！（高八度）」
me：「可以寫字嗎？」
Amigo：「咪 Happy Birthday 囉∼（唔係仲想寫咩？）」
me：「可以加埋個人名嗎？」
Amigo：「講～啦～（不耐煩-ing）」
頂佢個肺丫～！
有點失望，一向認為 Days of Future Past 是正統 X-Men 系列的延續。但看畢才發現這是正統故事、外傳格局。亦即是「講多過做」。
故事大綱其實不錯，合情合理地將故事推回原點，唔洗好似 Spider-Man 、 Batman 同 Superman 咁將同一個故事不停 reboot 、 reboot 又 reboot ，攪到睇黎睇去都係面果浸。但看 X-men 始終會想看那些目不睱給異能表演。徧徧電影描寫過去的篇幅較未來多，那時的狼人就連超能鋼爪都未有，Professor X 又意志消沉失去異能，加上個個口水多過茶，OH MY GOD，咁仲有咩好睇？？好彩中場都有段 Quicksilver 的劫獄表演中和一下。
反觀未來的部份很精彩，因為敵人 (The Sentinels) 壓到性地強，眼看一個個重要角色被秒殺，這是在以往的英雄片中從未發生過，很有壓迫感。
總括黎講唔係唔好睇、而係關於未來、英雄的電影近年實在太過氾濫，每每其實都大同小異。很多場口都似層相識。整套電影就像 Terminator (過去救未來) 、 Ironman (初代 Sentinels) 、 Captain America (邪惡科學家) 加 X-men 既混合體。難有突破而已。
自 DIY 婚照及杭州之旅後，一直想買支平平地既閃光燈用黎守下門口，等唔洗下下問人借。始終閃光燈呢啲消秏品，借得多我都唔好意思。由於只作飛燈用途，唔洗對品牌、唔洗全自動、唔洗TTL，識閃、色準、夠力就可以。
雖然 Target 一千蚊左右，但都冇諗過最後我係會敗左支停左產五、六年既 SB﹣800 返黎。搵果陣一路淨係記住數字越大越架勢。900 之後到 800 ，都係隔一代姐，但估唔到呢一隔就仿如隔世。最後都係選擇情願買中古旗艦，都唔想買入門新品。
幸好實物新淨企理，操作正常。一代燈神名不虚傳。
