整套戲既大橋好似 2011 年上畫既 “Source Code” ，不過變左科幻版，講既都係月光寶盒。雖然如此，依然無冷場兼有驚喜，開頭睇見扮開英雄好漢既 Tom Cruise ，今次突然扮怕死軍官真係有啲啲唔慣。XDDDDD
當然就算開頭點拍死，最後都會變得勇猛無比。特訓有事、撞車有事，反而撞機可以冇事。不過冇所謂啦，電影最有趣既地方就係可以將現實生活中不可能既事變為可能。如果樣樣都咁貼近真實，又有咩好睇呢？
Tom Cruise 既表現都係咁上下，佢跟本係荷里活版既劉華，唔可以對佢要求太高。反而飾演女戰士果個 Emily Blunt 有啲驚喜，原來佢就係 “The Devil Wears Prada” 入面果個 Emily 。哎～今次有型又有戲，同果個傻傻女秘書爭好遠，簡直係兩個人黎，真係認佢唔出。
認唔出最主要既原因係……………………靚左咁多既？！？！？！（一定整過容黎！ :-P）