my name + my life + my thoughts + my everything
被早於半年前預約的廿年經驗陪月放飛機，又話肩周炎乜乜物物，再懶好心地介紹另一個聲稱有十年經驗既過我（但收同樣價錢）。基於物以累聚既關係，對呢個所謂星級陪月信心盡失，就算佢有介紹，自己都要做多手準備。夫人整天四出發散人馬找經驗陪月，幸好最後總算有點候選佳麗揸手。好讓對付拆白黨時有多點籌碼。
翌日跟星級孖寶會面，實在大開眼界。星級先露出她那隻雪白肩周臂博同情一番，再吹噓她帶來的代替品經驗老到、誠實可靠，但那代替品顯然是冇料扮四條，除了「你鐘意食咩咪整比你食」之外，仲叫夫人朝早可以叮返熱啲飯黎食。XDDDDDDD 四條發現自己好似講錯野，向星級求救。星級即時尹天仇上身，一副「扮單拖～扮單拖～」既咀臉，捨棄同黨。唉，見到呢個對顧客冇誠信，對同黨冇義氣既人。都無謂再玩落去，即時攞返份約出黎，叫佢退訂走人。
同日再見另一位朋友介紹既籌碼，早於電話查詢時有紋有路既對答，其實已經心中有數。見面後感覺依舊良好。便揮筆簽約。夫人同囡囡既事宜就交比你啦！:)
所以「塞翁失馬，焉知非福」。呢句說話係啱既！
一個關於運動的熱血故事，要拍得好看其實並不困難，但今次對郭子健顯然失望至極。早前 Youtube 上看到的花絮，原來已是最精彩的部分，但在正式公演的版本郤統統剪掉。
故事鬆散沒張力，對必殺訓練，又沒有適當描述。角色心態流於表面，水準連《打擂台》的一半都未達上。所有演員均目無表情，毫無演技，而視為亮點的林敏聰及鄭中基，亦只是不斷重複他們那過時的幽默感。
又一次比港產片伏左。Shit！！
恭喜小方包出世一百日啦，祝小方包繼續健康快樂咁成長。亦好高興係百日宴上面見返一班觀塘識訓設計系既書友。
Lala 個女真係好鬼馬靈精怪。XDDD
以隨從身份出席銀袋活動，感謝 Sa 姨每次都借出安樂窩兼招呼周到。一班女子組天南地北、雞啄唔斷。而我就閒時搭訕，閒時跟桃姐畫圖畫。
畫著畫著，感到都係生女好，同女仔玩我會比較有耐性多啲。XD
好多謝 Siu Lung and Friends 幫小女攪左個 Surprise Party 。入到屋，我地仲問邊個生日？真係好驚喜。 XDDDDDD Thanks sooooo Much ！在心中。 :)
媽媽加油！媽媽努力！BB 好快有得食！！
被媽媽意外發現這個好地方，本來只是打算看看奈良美智的展覽，但最後最吸引我的，反而是這個被樹林環抱的建築。於空中花園坐著把玩手機，感受一下微風，再配襯簡單的展覽及工作坊，好一個優閒的星期天假期。
雖然到現在我還攪不清楚，這個亞洲協會香港中心到底是幹什麼的。但今時今日於金鐘這個黄金地段，還能保留著這樣的歷史建築，而不被用作商業用途。
單單這一點，已足夠令我感到相當欣喜。
雖然各英雄魅力依然，但整套電影實在太唔清唔楚，既要顧及有足夠既動作場面，但又有水蛇春咁長既故事要交代。弄得所有情節皆只能以一個畫面、一句說話輕輕帶過便算。
既然 Ultron 無處不在，為何 Avengers 們依然可以從網上取得資訊？另外 Ultron 的身體不是含有汎合金的成份嗎？為何如此不堪一擊？ Ultron 如何出現、 Jarvis 如何修復、 Vision 如何煉成。其實直到電影完結，我依然弄不清，唯有事後補完。
第二集都已經咁亂，結尾仲出現無限手套及 Thanos ，睇黎 Marvel 電影往後的世界觀只會煩過梵蒂岡。
Sunkuen 條友仔，好似自從我結婚之後都未見個人。今晚終能一聚，一齊懷念我們年少時既青蔥歲月。XDDDDD
特別嗚謝：多謝 Joe 兄無情情請客，下星期我會還返比梓洛架啦！:)
不是這個系列的粉絲，甚至一至六都未認真看過。於冇戲又想搵戲睇既情況底下。選了這套影評好像不錯的 Fast and Furious 7 。
不是不好看，幾場動作場面都十分精彩。但實在太過目不暇給，無無聊聊咁追逐左大半個地球，飛車飛到眼睛疲勞。無時無刻在想，完未？完未？究竟捨得完未？？？又比佢走甩？？？即係又要打過又要飛過？？？ OH MY GOD ！！！
雖然如此，但那向 Paul Walker 道別的結尾，實在為本片挽回不小分數。 Goodbye Paul 。